Մոսկվային չի հետաքրքրում Ռուբեն Վարդանյանի ճակատագիրը: Այս մասին հերթական ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Նրա խոսքերը մեջբերում են ռուսական լրատվամիջոցները։
Զախարովան հայտարարել է նաև, որ չգիտի՝ ադրբեջանա-հայկական բանակցություններում քննարկվո՞ւմ է արդյոք Ռուբեն Վարդանյանի՝ Բաքվի բանտում գտնվելու հարցը։
«Ես չեմ տեսել՝ ադրբեջանա-հայկական կամ
հայ-ադրբեջանական շփումների ժամանակ բարձրացվո՞ւմ է արդյոք հարց, ինչպես Դուք
ասացիք, Ռուբեն Վարդանյանի՝ ադրբեջանական բանտում գտնվելու մասին, որը ՌԴ քաղաքացի չէ։ Եթե դուք ինձ տրամադրեք այդ տեղեկատվությունը, ինձ համար նույնպես հետաքրքիր և օգտակար կլինի իմանալ այդ մասին»,- լրագրողին ասել է ՌԴ ԱԳՆ պաշտոնական ներկայացուցիչը և խորհուրդ տվել այդ
հարցն ուղղել Երևանին և Բաքվին։
Նա ևս մեկ անգամ հիշեցրել է, որ Ռուբեն
Վարդանյանը հրաժարվել է ՌԴ քաղաքացիությունից, դա արել է բացահայտ, և դա գաղտնի
կամ չճշտված տեղեկություն չէ։
Զախարովան կրկին նշել է, որ Ռուսաստանի
Դաշնությունը հանդես է գալիս հայ-ադրբեջանական համապարփակ կարգավորման օգտին:
